ಗುರುಪೂರ್ಣಿಮೆಯ ಮಹತ್ವ ಮತ್ತು ಗುರುಗಳಿಗೆ ವಂದನೆಗಳು

 ಗುರುಪೂರ್ಣಿಮೆಯ ಮಹತ್ವ ಮತ್ತು ಗುರುಗಳಿಗೆ ವಂದನೆಗಳು

ಪ್ರತಿ ವರ್ಷದಂತೆ ಈ ವರ್ಷವೂ ನಾವು ಗುರುಪೂರ್ಣಿಮೆಯ ಪವಿತ್ರ ದಿನವನ್ನು ಆಚರಿಸುತ್ತಿದ್ದೇವೆ. ಭಾರತೀಯ ಸಂಸ್ಕೃತಿಯಲ್ಲಿ 'ಗುರು' ಎನ್ನುವ ಪದವು ಅತ್ಯಂತ ಪವಿತ್ರವಾದದ್ದಾಗಿದ್ದು, ಜೀವನದಲ್ಲಿ ಬೆಳವಣಿಗೆಗೆ ದಾರಿ ತೋರಿಸುವ, ಅಜ್ಞಾನದಿಂದ ಜ್ಞಾನಕ್ಕೆ ಕರೆದೊಯ್ಯುವ ವ್ಯಕ್ತಿಯು ಗುರು. ಇಂತಹ ಗುರುಗಳ ಸ್ಮರಣೆಗಾಗಿ ಆಚರಿಸುವ ದಿನವೇ ಗುರುಪೂರ್ಣಿಮೆ.

'ಗು' ಎಂದರೆ ಅಂಧಕಾರ, 'ರು' ಎಂದರೆ ಅದನ್ನು ನಾಶ ಮಾಡುವವನು. ಅಂದರೆ, ಅಜ್ಞಾನ ಎಂಬ ಅಂಧಕಾರವನ್ನು ದೂರ ಮಾಡುವ ವ್ಯಕ್ತಿಯೇ 'ಗುರು'. ನಮಗೆ ಓದುವದನ್ನು ಕಲಿಸುವ ಶಿಕ್ಷಕರು, ಜೀವನಪಾಠ ಕಲಿಸುವ ಹಿರಿಯರು, ಮೌಲ್ಯಗಳನ್ನು ರೂಪಿಸುವ ಪೋಷಕರು – ಎಲ್ಲರನ್ನೂ ಗುರುಗಳೆಂದು ಪರಿಗಣಿಸಬಹುದು. ಗುರುಪೂರ್ಣಿಮೆಯ ದಿನ ಇವರಿಗೆ ಕೃತಜ್ಞತಾಪೂರ್ವಕ ವಂದನೆ ಸಲ್ಲಿಸುವ ದಿನವಾಗಿದೆ.

ಈ ದಿನದ ಇತಿಹಾಸವು ಸಹ ವಿಶಿಷ್ಟವಾಗಿದೆ. ಹಿಂದೂ ಧರ್ಮದ ಪ್ರಕಾರ, ಈ ದಿನವೇ ವೇದವ್ಯಾಸರು ಜನಿಸಿದ ದಿನ. ಅವರು ಮಹಾಭಾರತವನ್ನು ಬರೆಯುವ ಮೂಲಕ ಭಾರತೀಯ ಪಾಂಡಿತ್ಯದ ಆಧಾರಶಿಲೆಯಾಗಿ ಉಳಿದಿದ್ದಾರೆ. ಆದ್ದರಿಂದ ಈ ದಿನವನ್ನು 'ವ್ಯಾಸ ಪೂರ್ಣಿಮೆ' ಎಂದು ಕರೆಯಲಾಗುತ್ತದೆ.

ಶಿಕ್ಷಕರ ಪಾತ್ರ ಶಿಕ್ಷಣ ಕ್ಷೇತ್ರದಲ್ಲಿ ಅತ್ಯಂತ ಮಹತ್ವದ್ದು. ಅವರು ವಿದ್ಯಾರ್ಥಿಗಳಿಗೆ ಕೇವಲ ಪಾಠಶಾಲೆಯ ಪಾಠವಷ್ಟೇ ಅಲ್ಲ, ಜೀವನದ ಪಾಠವನ್ನು ಸಹ ಕಲಿಸುತ್ತಾರೆ. ಜೀವನದಲ್ಲಿ ಯಾವ ಮಾರ್ಗದಲ್ಲಿ ಹೋಗಬೇಕು, ಯಾವುದು ಸರಿ, ಯಾವುದು ತಪ್ಪು ಎಂಬುದನ್ನು ಗುರುಗಳು ಕಲಿಸುತ್ತಾರೆ. ಅವರು ಮಕ್ಕಳ ಮನಸ್ಸನ್ನು ಗೂಡಿಸುವ ಕೆಲಸವನ್ನು ಮಾಡುತ್ತಾರೆ. ಮಕ್ಕಳ ಭವಿಷ್ಯ ನಿರ್ಮಿಸಲು ತಾವು ಎದುರಿಸುವ ಎಲ್ಲಾ ಕಷ್ಟಗಳನ್ನು ಸಹಿಸಿಕೊಳ್ಳುತ್ತಾರೆ. ಇಂತಹ ಗುರುಗಳ ಮುಂದೆ ನಮಗೆ ಬಾಗಿಕೊಳ್ಳದೆ ಇರುವಂತಿಲ್ಲ.

ಈ ನಿಟ್ಟಿನಲ್ಲಿ ನಾವು ಇತ್ತೀಚೆಗಿನ ತಂತ್ರಜ್ಞಾನ ಯುಗದಲ್ಲಿ 'ಗೂಗಲ್' ಅನ್ನು ಕೂಡ ಗುರು ಎಂದು ಕರೆಯುತ್ತಿರುವುದು ಶೋಚನೀಯ. ಗೂಗಲ್ ಉತ್ತರಗಳನ್ನು ನೀಡಬಹುದು, ಆದರೆ ಜೀವನದ ಸತ್ಯವನ್ನು, ಮೌಲ್ಯಗಳನ್ನು, ಅನುಭವದ ಪಾಠಗಳನ್ನು ಕಲಿಸುವವರು ಮಾತ್ರ ಗುರುಗಳು. ಆದುದರಿಂದ ಗುರುಪೂರ್ಣಿಮೆಯ ದಿನ ನಾವು ಯಾರು ನಿಜವಾದ ಗುರು ಎಂದು ತೀರ್ಮಾನಿಸಬೇಕು.

ಗುರುಪೂರ್ಣಿಮೆಯ ದಿನದಲ್ಲಿ ವಿದ್ಯಾರ್ಥಿಗಳು ತಮ್ಮ ಶಿಕ್ಷಕರಿಗೆ ಪುಷ್ಪ ಅರ್ಪಿಸಿ, ಪ್ರಣಾಮ ಮಾಡಿ, ಅವರ ಆಶೀರ್ವಾದವನ್ನು ಪಡೆದು, ಮುಂದಿನ ಜೀವನದ ದಾರಿಯಲ್ಲಿ ಸಾಗುತ್ತಾರೆ. ಈ ಆಚರಣೆ ಸಾಂಪ್ರದಾಯಿಕವಾಗಿ ಶಾಲೆಗಳಲ್ಲಿ, ಮನೆಗಳಲ್ಲಿ, ಮಠಗಳಲ್ಲಿ ನಡೆಯುತ್ತದೆ. ಇದು ಕೇವಲ ಆಚರಣೆ ಮಾತ್ರವಲ್ಲ, ಬದಲಾಗಿ ಜೀವನಕ್ಕೆ ಮಾರ್ಗದರ್ಶನ ನೀಡುವ ಒಂದು ಪ್ರೇರಣೆಯ ದಿನವೂ ಆಗಿದೆ.

ಇಂತಹ ಪವಿತ್ರ ದಿನವನ್ನು ನಾವು ಅರ್ಥಪೂರ್ಣವಾಗಿ ಆಚರಿಸಬೇಕು. ಗುರುಗಳಿಗೆ ಕೃತಜ್ಞತೆಯೊಂದಿಗೆ ನಮನ ಸಲ್ಲಿಸಿ, ಅವರ ಮಾರ್ಗದರ್ಶನವನ್ನು ನಿಜವಾದ ದಾರಿದೀಪವಾಗಿ ಅನ್ವಯಿಸಬೇಕು. ಶಿಕ್ಷಣವೆಂಬ ಶಕ್ತಿ ನಮ್ಮ ಜೀವನವನ್ನು ಬೆಳಗಿಸಲಿ, ಹಾಗೂ ಗುರುಗಳ ಆಶೀರ್ವಾದ ಸದಾ ನಮ್ಮ ಮೇಲೆ ಇರಲಿ ಎಂದು ಹಾರೈಸುತ್ತೇನೆ.

ಗುರುಗಳಿಗೆ ನನ್ನ ನಮನಗಳು 🙏

Written by Harivu Habba

We are Creative Blogger Theme Wavers which provides user friendly, effective and easy to use themes. Each support has free and providing HD support screen casting.